حمد لله يا ريّس قصيدة لسعيد حامد شحاتة

حمد لله يا ريّس

قصيدة لسعيد حامد شحاتة

تسلم يا فاتح بلادك
لابن الحرام المعادى
يا مفكّر الناس عبادك
ودايسها شبرا ومعادى
ابعت جحافل ولادك
واقتلنى قدام ولادى
واتغابى لحظة عنادك
واحرقها خُضْر وبوادى
واحكم وحكّم سوادك
واحذر غباوة سوادى

يا شمس يا بيوت يا ضلّة
يا سياسة عِرّه ومَذلّة
يا حزب واقف مهيّس
يا حزب خرّب ما خلاّ
يا سبْع مُرغم يسيّس
ربّيت لنيل مصر علّه
الحمد لله يا ريّس
يا زعيم يا ملهم يا مُلّه
درّبت ناسك كويّس
والأهلى فاز ع المحلّة

» "يا مصر ليه بعتينا للمندس" قصيدة لسعيد حامد شحاتة
» "ثوّار ولسّه هنبتدى الثورة" قصيدة لسعيد حامد شحاتة
» قصيدة .. على اسم مصر .. لصلاح جاهين
» قصيدة .. اغضب .. لفاروق جويدة
» قصيدة .. الحزن .. لنزار قبانى