عمرو أديب لمرسى بعد كارثة أسيوط: البلد كبيرة عليك يا ريس

عمرو أديب لمرسى بعد كارثة أسيوط: البلد كبيرة عليك يا ريس ويجب أن ترحل..وﺇﺣﻨﺎ ﺷﻌﺐ ﻓﺎﺷﻞ..وتمن أطفالك يا مصر أرخص من الموبايل

عمرو أديب لمرسى بعد كارثة أسيوط: البلد كبيرة عليك يا ريس S920111101459

أبدى الإعلامى عمرو أديب استيائه الشديد من التعامل الحكومى مع كارثة أسيوط
قائلا: "إنتو كلكم بما فيكم أنا، إحنا شعب فاشل وإحنا منساويش حاجة خالص
هل الناس اللى بتحكم البلد، قد الحكاية؟ هو أنت تقدر على الحكم هو انتوا
بتتعلموا فينا، البلد زى الزفت والبلد كبيرة جدا عليك يا سيادة الرئيس
وطالما أنك غير قادر على إدارة البلاد فعليك أن ترحل".

وأضاف أديب خلال فقرة الإنترو، "رئيس الوزراء لازم يمشى، الراجل دا لازم
يمشى، هذا رجل أضعف بكثير مما نتخيل، وأقول لوزير الإعلام أنت زيك زى أنس
الفقى فالنظام السابق كان فاشل وأنت فاشل وريحوا ضميركم وافرحوا بفوز
الأهلى وريح ضميرك واكتب تويتة وقول يجب أن يرحل قنديل فأوسخ بلد فى العالم
تعرف يعنى إيه مزلقان، منتقداً ثمن الطفل 5000 جنيه دا أرخص من الموبايل،
وانتوا مش شاطرين غير فى رمى كل شىء على النظام السابق".

وتابع أديب، "أن رئيس الوزراء لازم يمشى ومش هسكت غير لما يمشى وابقوا
اقفلوا البرنامج دا هو كمان والصعايدة قالوا احنا اللى جبنا الريس واحنا
اللى هنمشيه فالدماء على مقدمة القطار وهذا يوضح حجم الفشل الذى لا يمكن أن
يحدث فى أى دولة فى العالم إلا عندنا وأين كان يجلس الحيوان بتاع المزلقان
وكلكم فشلة وقتلة".

واستكمل أديب، "رئيس الوزراء أصغر من تحمل مسئولية البلاد وإيه الضعف
والفشل اللى إحنا فيه، ولماذا متمسك بقنديل والحرية والعدالة نفسها شايفة
أنه رئيس وزراء "فاشل" لافتا إلى أن الكتاتنى، قال إن البلاد مليئة
بالفساد، وأنه إرث كبير فكيف تقول هذا وأنت الذى تحكم وكان يجب أن ينقل
هؤلاء الأطفال ليعالجوا فى أفضل مستشفيات العالم، فالأطباء أغلقوا على
أنفسهم خوفا من الأهالى فهناك أسر مات منهم أكثر من طفل بسبب الإهمال".

وأكمل أديب هجومه قائلا: "إذا كنت ترى أنك غير قادر على حكم البلاد فاتركها
فالأهالى اليوم جمعت أشلاء أبنائهم من أسفل عجلات القطار ليدفنوهم مضيفا
إنتوا بتتعلموا الحكم فينا، واكذب علينا زى اللى قبلك، وقول لنا كلمتين
تريحنا والناس يوم ورا الآخر يشعرون بعدم الأمل وإنت بتعمل أيه دلوقتى ويجب
أن نرى رئيس وزراء آخر قادر على حكم البلاد فلو مات اثنين أو ثلاثة فى أى
بلد حوالينا الدنيا تتقلب، فيه ستات النهاردة بتكلم نفسها على ما حدث، أنتم
جميعاً فشلة".

وده الفيديو

المصدر
اليوم السابع

هههههههههه لا جرئ يا عمرو

هههههههههههه
منورانى يا قمر

» كلاكيت ثانى مرة.. القدر ينقذ أسيوط من كارثة مزلقان جديدة
» عمرو أديب: غلق "دريم" رسالة إرهاب لباقى القنوات الفضائية
» يديعوت: نتانياهو يبعث برسالة تعزية لمرسى فى وفاة شقيقته
» شفيق: القوى المدنية غير قادرة على أن تكون رقماً مؤثراً فى مستقبل البلد
» إنذار على يد محضر لمرسى بوقف مظاهرات السبت ويحمله المسئولية الجنائية