كلمات تتر مسلسل ليالى الحلمية

كلمات تتر مسلسل ليالى الحلمية

كلمات: سيد حجاب

منين بيجي الشجن .. من اختلاف الزمن
ومنين بيجي الهوى .. من ائتلاف الهوى
ومنين بيجي السواد .. من الطمع والعناد
ومنين بيجي الرضا .. من الايمان بالقضا

من انكسار الروح في دوح الوطن
يجي احتضار الشوق في سجن البدن
من اختمار الحلم يجي النهار
يعود غريب الدار لـ أهل وسكن

ليه يا زمان ما سبتناش أبرياء
وواخدنا ليه في طريق ما منوش رجوع
أقسى همومنا يفجر السخرية
وأصفى ضحكة تتوه في بحر الدموع

ولفين ياخدنا الأنين
لليالي ما لهاش عينين
ولفين ياخدنا الحنين
لواحة الحيرانين

ما تسرسبيش يا سنينا من بين ايدينا
ولا تنتهيش ده احنا يا دوب ابتدينا
واللى له أول بكرة حيبان له آخر
وبكرة تفرج مهما ضاقت علينا

ولفين ياخدنا الأنين
لليالي مالهاش عينين
ولفين ياخدنا الحنين
لواحة الحيرانين

» كلمات تتر مقدمة مسلسل أرابيسك
» كلمات بداية تتر مسلسل الشك لوائل جسار
» اكتر مسلسل بتحبه
» مسلسل ذئاب الجبل
» زوجات مصطفى شعبان يتحدينه فى مسلسل "الزوجة الرابعة"