كلمات تتر مقدمة مسلسل أرابيسك

كلمات تتر مقدمة مسلسل أرابيسك

كلمات: سيد حجاب

و ينفِلِت من بين إيدينا الزمان

كإنه سَحبة قوس في أوتار كمان

و تنفرط الايام عود كهرمان

يتفرفط النور و الحنان و الأمان

و ينفلت من بين إيدينا الزمان

الشر شرق و غرب داخل في حوشنا

حوشوه لا ريح شاردة تقشقش عشوشنا

حوشوا شرارة تطيش تشقق عروشنا

و تغشنا المرايات تشوش وشوشنا

و تهيل تراب ع الهالة و الهيلمان

الغش طرطش رش ع الوش بوية

ما درتش مين بلياتشو أو مين رزين

شاب الزمان و شقيت .. مش شكل أبويا

شاهت وشوشنا تهنا بين شين و زين

ولسه ياما و ياما حنشوف كمان

» كلمات تتر مسلسل ليالى الحلمية
» كلمات بداية تتر مسلسل الشك لوائل جسار
» جوجل تضع سرعة صفحات الويب شرطا للظهور فى مقدمة البحث على الهواتف
» اكتر مسلسل بتحبه
» كلمات أغنية سكة العاشقين لنجاة