بعد العيد.. "النوم" بقرار حكومى ولا عزاء للسهرانين

بعد العيد.. "النوم" بقرار حكومى ولا عزاء للسهرانين

"المحلات هتقفل من 10 بالليل والكباريهات هتفضل شغالة للصبح" عبارة
تداولتها العديد من الجروبات والنشطاء على موقع التواصل الاجتماعى "فيس
بوك"، تعليقا منهم على القرار الذى تدرسه الحكومة المصرية بإغلاق المحال
التجارية من الساعة العاشرة مساء وبحث تنفيذه فى المرحلة القادمة.

من ضمن الجروبات التى طرحت القرار للنقاش، "على فكرة أنا مصرى" الذى طرح
العبارة مصحوبة بجملة تعجب "صدق أو لا تصدق"!، وكانت الردود بين مؤيد
ومعارض والأخير كان أكثرهم، فمن المعارضين من يراها "وقف حال" فيقول
"الفرعون المصرى": "عاوزين يوقفوا حال البلد أكتر ما هو واقف" وتقول "آمال
عبد المنعم": "كل حاجة فى البلد دى ماشيه عوجة حاجة تقرف"وقالت"روبى
حسن":"دى آخرة سياسة الإخوان حظر على محلات أكل العيش أما الكباريهات
يسبوها مفتوحة".

ومنهم من أيد الفكرة، فيقول شريف صادق":"على فكره كل دول العالم المحلات
ليها مواعيد تفتح فيه وتقفل فيه "وقالت "منى إسماعيل":" كل دول العالم
المحلات بتقفل فيها لغاية الساعة 7 أو فى الحدود دية والاوتيلات بتفضل
شغالة للفجر".

وفى ردود أخرى غلب على معظمها الاستهزاء بطريقة طريفة اعترضاً منهم على
القرار حال تنفيذه، فيقول "بهجت السوهاجى": "عقبال ما تتقفل خالص ونرتاح
منها" وفى تعليقات منفصلة يقول "شريف شيكو" أحد النشطاء على صفحته
:"المحلات هتقفل من 10 بالليل والكباريهات هتفضل شغالة للصبح.. واضح أن
النهضة هتبقى ضلمة".

وبعيدا عن التأييد والمعارضة وحتى الاستهزاء والكوميديا فى الردود كانت
هناك تعليقات أخرى "مش مصدقة" الخبر وأخرى مصدومة من القرار.. ومن بين
مؤيد ومعارض يبقى إصرار الحكومة على التنفيذ ورفض تام من أصحاب المحلات
التجارية.

زائر

ههههههههههههههههههه

» السبت.. عزاء سلامة أحمد سلامة بمسجد "الرحمن الرحيم"