"شوط تانى".. قصيدة لـ"أشرف الشافعى"

"شوط تانى"..

قصيدة لـ"أشرف الشافعى"

كسبنــا شـوط أول وباقيلنا شوط تانى
بين الشوطين طوّل ورجعنا اهو تانى
فاضـــل بقى نكمل ثـــورتنا من تانى

طلب الحقـــــوق بخضوع مايلقش بالثوار
شمس الحلول الوسط مايجيش معاها نهار
والــــدرس علمنــــا .. أن الأمـل ينهـــار
لو سبنـــا يوم الوطــن ف ضيـاعه بيعانى
كسبنــــا شـــوط أول وباقيلنا شــوط تـانى

إزاى ف مـراياتنا حنطيق ملامحنـــا
لو كنا مش قـــادرين نواجــه المحـنة
دم اللى مــــات إزاى ممكن يسامحنا
لو سبنا حقــــه يضيع ويفلت الجـانى
كسبنا شـوط أول وباقيلنا شـوط تانى

تســـتاهل الجنـــة ياللى دفعت التمــــن
حقك هيفضل دين صاحبك عليه مؤتمن
ولحد أخر نفس مش رح يصيبه الـوهن
وحييجى يوم يرجـع ويجيلى ف ميدانى
كسبنا شـــوط أول وباقيلنـا شــوط تانى

» قصيدة .. على اسم مصر .. لصلاح جاهين
» قصيدة .. اغضب .. لفاروق جويدة
» قصيدة .. الحزن .. لنزار قبانى
» قصيدة لماذا
» قصيدة لامير الشعراء