أهلى .. قصيدة جديدة للشاعر محمد طلبة

أهلى ..

قصيدة جديدة للشاعر محمد طلبة

خلصت صلاة العشا
ختم الصلاة
ودعاه:
يارب دم الولد
باعه اللى كان مولاه

قالوا عليه بلطجى
وأنت اللى عالم بيه
جدع صلاة النبى
البدر يحلف بيه

عشمى الكبير
فى رضاك
يا ناصف المساكين

وحق جد الحسن
وحق دم الحسين
وحق آل البيت

وحق وقفة خشوع
فى مسجدك صليت

وحق ابنى اللى دمه
صاحى
ولسه ما ماتش

تنصف صحابه عليهم
وما يلعبوش الماتش

لعبوا
وكسبوا كمان
وربنا ما سمعش!

شفته بيدعى كمان
ويقول لى ساعة الميدان
كنت أسأله:
بتدعى؟
يقول:
وواثق يا والدي
بس الكريم ما أذنش

أنا برضه واثق يا ولدى
لسه الكريم ما أذنش..
ولسه باقى الماتش

منورانى يا قمر

» قصيدة .. الشهيد .. للشاعر عبد الرحمن يوسف
» قصيدة .. انتصارنا .. مكتوبة للشاعر عبدالله حسن
» قصيدة .. مصر تتحدث عن نفسها .. للشاعر حافظ ابراهيم
» قصيدة ..كلمتين لمصر .. للشاعر أحمد فؤاد نجم
» للشاعر الكبير محمد الماغوط