SaRa Admin
عدد المساهمات : 1852 تاريخ التسجيل : 04/08/2009 العمر : 38
الموقع : https://altahady.ahlamontada.com/
| موضوع: .. انزل يا واد من فوق كتاف القاهرة .. الأحد فبراير 27, 2011 6:01 am | |
| جبتلكم قصيدة جميلة جدا للشاعر
محمد محمود السعيد
اسمها
* انزل يا واد من فوق كتاف القاهرة *
مليون شهيد...
وتاريخ مجيد
من الكفاح المشترك
وخوض غمار المعترك
وف آخر الشوط أخسرك
مين علمك تقتل أخوك
وامك وابوك
واحنا اللي قدمنا الدماء
قبل العرق
خلاص وصلنا لمفترق
وثورتك...حريتك
دول كان مخاضهم ارضنا
وف حضننا
تيجي انت تهتك عرضنا
تحرق علمنا
اللي كان شاهد علي قبر الشهيد
وترهب الطفل الوليد
تنسي تاريخك يابليد
بقي هوا ده الجيل الجديد
ده نسل بن بيلا وبومدين والرجال
اللي لما ضاق الكون عليهم
شدوا لبلادنا الرحال
رفعوا علمهم فوق صدورنا
قبل مايغوص ف الرمال
غمض عيونك جوه قبرك ياجمال
ماتشفش احفاد النضال
واقفل ودانك
اصل البيان الجاي من صوت العرب
بيقول علي المصري انضرب
بيقول تاريخك كله كان وهم وخطب
نام يابطل
لاعليك ملامه او عتب
وانزل ياواد من فوق كتاف القاهره
انت فقدت الذاكره
لاتصلي ف الازهر
ولاتمشي ف حواري السيده
ولاتسمع الكوكب وهيا منشده
ولاتقرا محفوظ النجيب
ولاحتي تسمع عندليب
خليك كده
تحرم عليك
كل العيون والأفئده
تحرم عليك كل الدماء والأورده
وبريئه منك الف مدنه
وكل جبهة ساجده
وانا هفضل المصري
كريم العنصرين
اللي متربي وساكن ف الحسين
اللي علمتك تقول الضاد
وتنطق كلمتين
يابو اللسان الأعجمي
انزل ياواد من فوق كتاف القاهرة
من امتي بتشيل العيال
دي مصر ولاده رجال
سادات...مبارك
ومعاهم الناصر جمال
واقفين علي شط القنال
رافعين علمها
اللي بإيديك اتحرق
رجاله من عزة وشهامة مش ورق
ياحارق الطوق والشراع
مين راح ينجيك م الغرق
تحياتى ... $ @ R @
| |
|
نورهان " مراقبة ركن "
عدد المساهمات : 448 تاريخ التسجيل : 10/05/2010
| موضوع: رد: .. انزل يا واد من فوق كتاف القاهرة .. الخميس يناير 05, 2012 11:31 am | |
| بس غيرى اللون يا سارة | |
|
SaRa Admin
عدد المساهمات : 1852 تاريخ التسجيل : 04/08/2009 العمر : 38
الموقع : https://altahady.ahlamontada.com/
| موضوع: رد: .. انزل يا واد من فوق كتاف القاهرة .. الأربعاء يناير 11, 2012 8:20 am | |
| | |
|