..التحدى..
بسم الله الرحمن الرحيم
السلام عليكم ورحمة الله وبركاته
يسر منتدى .. التحدى ..
تشريفكم لنا
سواء كنت زائراَ أو عضواَ
فهدفنا هو ارضاءك مهما كنت
وان شاء الله
سنسعى جاهدين لذلك
لكم منى أطيب تحية
وأطيب سلام ..
ادارة المنتدى


منتدى اجتماعى
 
الرئيسيةالبوابةبحـثالأعضاءالمجموعاتالتسجيلدخول



تحيا مصر


تحيا مصر





تحيا مصر
المواضيع الأكثر شعبية
صور براويز جميلة ورائعة
موضوع المليون رد ( التحدى ---> للتحدى )
كلمات أغنية ( قلبى سعيد وياك يا حياتى ) لوردة
أجمل صور توم وجيرى
كلمات أغنية .. الناس المغرمين .. لعبد المطلب
صور ورود جميلة ورائعة جدا
كلمات أغنية ( أنا قلبى ليه حاسس قوى بالشكل ده) لكارول سماحة
كلمات أغنية مجرد وقت لهانى شاكر
كلمات أغنية .. أشكى لمين لمحمد منير ..
كلمات اغنية لما النسيم لمحمد منير
المواضيع الأخيرة
» لعبة التفاحة
الخميس مارس 08, 2018 6:15 am من طرف malikal3ab

» كلمات نشيد .. والله زمان يا سلاحى .. لصلاح جاهين
الإثنين فبراير 19, 2018 6:03 am من طرف SaRa

» كلمات نشيد .. الله أكبر ..
الإثنين فبراير 19, 2018 5:38 am من طرف SaRa

» كلمات اغنية لسه شايفة اصالة
الخميس يناير 25, 2018 7:25 am من طرف SaRa

» بيان للقوات المسلحة حول سامى عنان..
الثلاثاء يناير 23, 2018 5:51 am من طرف SaRa

» الآثار تقيم معرضًا للصور الفوتوغرافية للترويج للقصور الأثرية
الثلاثاء يناير 23, 2018 5:36 am من طرف SaRa

» أسر الشهداء والأطفال الدخول بالمجان فى معرض القاهرة الدولى للكتاب
الثلاثاء يناير 23, 2018 5:29 am من طرف SaRa

» قطر تدعم تركيا فى انتهاك سيادة الأراضى السورية وتؤيد الهجوم على عفرين
الثلاثاء يناير 23, 2018 5:18 am من طرف SaRa

» المدعى العسكرى الأسبق يكشف لـ" اليوم السابع " مخالفات سامي عنان
الثلاثاء يناير 23, 2018 5:11 am من طرف SaRa

أفضل 10 أعضاء في هذا المنتدى
SaRa
 
ياسمينه
 
نورهان
 
maiar ashraf
 
أحلام قلب
 
وردة حزينة
 
love 2009
 
باسل زهرة
 
mody morad
 
نسيم
 
بحـث
 
 

نتائج البحث
 
Rechercher بحث متقدم

شاطر | 
 

 رباعيات صلاح جاهين

اذهب الى الأسفل 
كاتب الموضوعرسالة
SaRa
Admin
Admin
avatar

عدد المساهمات : 1844
تاريخ التسجيل : 04/08/2009
العمر : 32

الموقع الموقع : http://altahady.ahlamontada.com/

مُساهمةموضوع: رباعيات صلاح جاهين   الثلاثاء أكتوبر 19, 2010 3:06 am

رباعيات صلاح جاهين



خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي!!


ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!


ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي!!


و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي!!


أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي!!


يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي!!




أحب أعيش ولو في الغابات
أصحي كما ولدتني أمي و ابات
طائر .. حيوان.. حشرة .. بشر ..بس أعيش
محلا الحياة.. حتي في هيئة نبات
عجبي !!



سهير ليالي و ياما لفيت و طفت
و ف ليه راجع في الضلام قمت شفت
الخوف ... كأنه كلب سد الطريق
و كنت عاوز أقتله .. بس خفت
عجبي !!



عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!


رقبه قزازة و قلبي فيها انحشر
شربت كاس و اتنين و خامس عشر
صاحبت ناس م الخمرة ترجع وحوش
و صاحبت ناس م الخمرة ترجع بشر
عجبي !!



ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!




ورا كل شباك ألف عين مفتوحين
و انا وانتي ماشيين يا غرامي الحزين
لو التصقنا نموت بضربة حجر
و لو افترقنا نموت متحسرين
عجبي !!!



نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!




علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ..... والا اتقتلت
عجبي !!




انا كل يوم أسمع ........ فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه

عجبي !!




ينبوع و في الحواديت أنا سمعت عنه
إنه عجيب .. و ف وسط لهاليب لكنه
شقيت كما الفرسان طريقي .. لقيت
حتي الخنازير و الكلاب شربوا منه

عجبي !!!!




منين أجيبها كلمه متألمـــــــــــــــــة
لعيبه فايره حايره و مصممــــــــــه
منين اجيبها كلمه تكون بنـــت ارض
تشفي اللي ما شافهوش كلام السمـا

عجبي !!



أنا قلت كلمة و كان لها معنييـــــــــن
كما بطن واحده و توأمين زي وشين
لو دنيا شر.. التوأم الخير يمـــــــوت
لو دنيا خير .. الشر ح يعيش مــنين

عجبي !!




أنا اللي بالأمر المحال اغتــــــــــــوي
شفت القمر نطيت لفوق في الهـــــوا
طلته ما طلتوش إيه انا يهمنـــــــــي
و ليه .. ما دام بالنشوة قلبي ارتوي

عجبي !!




بره القزاز كان غيم و أمطار و بــــــــرق
ما يهمنيش – أنا قلت – و لا عندي فرق
غيرت رأيي بعد ساعة زمـــــــــــــــــان
و كنت في الشارع .. و في الجزمة خرق

عجبي !!!




عيني رأت مولود علي كتف أمـــــــــــه
يصرخ تهنن فيه يصرخ تضــــــــــــمه
يصرخ تقول يا بني ما تنطق كـــــــلام
ده اللي ما يتكلمش يكتر همـــــــــــــه

عجبي !!




في الهو ماشي يا بهلوان إش إِش
يا فراشة منقوشة علي كل وش
شقلبت عقلي و عقلي شقلبني
و كنت باحسبني بقيت ما اندهش

عجبي !!




وقفت ساعة الصبح باغسل سناني
قالت لي شايف قوتي و لمعاني ؟
إيش تطلب اليوم مني ضحكة أسد ؟
والا ابتسامة اعلانات أمريكاني ؟
عجبي !!



الحلو يم اليم صابــــــــــح رايح
سارح في حضن الميه سابح سايح
الحلو داب في البحر , قلــــت أدوقه
وجدت لسه البحر برضك ماــــــلح
عجبي !!!




يا كل كلمة للعجب في قامــــــــــــوس
انسكلوبيديا لسان العرب أو لا لاروس
تعالوا نجدة . ده لسه في عصـــــرنا
الشمس و البحر العريض بالفـــلوس
عجبي !!!!




الموج تلول تهبط وتطلع تلــــــــــــول
يا بحر خدني الشط صاحبك ملـــــــول
و الا بلاش الشط ح اعمل به أيـــــــه
ده ريحته طحلب مهري و ام الخلــول
عجبي !!!





ما آنتاش بتلعب ليه يا روح بابــــا ؟
و لا عسكري و لا لص في عصابة ؟
إلعب أسد أو ديب رهيب أو غـــــزال
دي الدنيا في نهاية المطاف غابـــــة
عجبي !!!





ورد في ورق سلوفان يا حلوة اهديلك ؟
و الا انقله بالطين في الشتلة و اجيلـــــك
الأولاني لو وحا بحنــــــــــــــــــــــانــي
عجبي علي التاني بإيــــــــه يوحيلــــــــك
عجبي !!




أنا قلبي كوكب و انطلق في المدار
حواليكي يا محبوبتي يا نور ونـــار
يلف مهمــــا يلف ما بيكتفــــــفيش
وتمللي نصه ليل و نصه نهــــــــار
عجبي !!





الأرض شوك أيوه لكين هايش
و الحمرة مش يعني الطريق حايش
دي دمنا السيال .. وبشرة خيـــــــر
ان انتي عايشة و ان كنت أنا عايــش
عجبي !!!



إيه اللي خدته من مرور السنــــــين
يا قلبي الا دمعتك و النيــــــــــــــين
بتئن و ترجع و بتفرح و ترجع تحــن
مع إن مش كل البشـــــــــــر فرحانين
عجبي !!!!





اوقات أفوق و يحل عني غبــــــــــايا
واشعر كأني فهمت كل الخبايـــــــــــا
و افتح شفايفي علشــــــان اقول الدرر
ما أقولش غير حبة غزل في الصبايــــا
عجبي !!!





يا ملونين البيض في شم النسيـــــم
لون الحنين و الشوق و خمر النديم
ما تعرفوش سايق عليكو النبــــــي
تلونوا الأيام بلون النعيــــــــــــــم ؟
عجبي!!




الدنيا صندوق دنيا .. دور بعــــد دور
الدكة هي .. و هي كل الديكـــــــــور
يمشي اللي شاف ويسيب لغيره مكان
كان عربجي أو كان امبراطــــــــور
عجبي !





قطي العزيز راقد علي الكنبــــــات
في نوم لذيذ .. و بيلحس الشنبات
و انا كل عين فنجان مدلدق قلــق
صدق اللي قال إن الحياة منابات
عجبي !!



قالوا السياسة مهلكة بشكل عـــــــــــام
و بحورها يا بني خشنة مش ريش نعام
غوص فيها تلقي الغرقانين كلهــــــــــم
شايلين غنايم .. و الخفيف اللي عـــــام
عجبي !!!




سلام سلام سلام سلام ... سلام
كلام كلام كلام كلام ... كلام
هز الورق يا صاحبي كدهــــوه
يطلع كلام سلام .. و سلام كلام
عجبي !!!!



فوق تحت . ورا قدام . يمين شمـــال
في الجو . تحت الميه . أو في الرمال
طلب الكمال يحرم علي الممـــــــــكن
و الممكنات دول محرومين م الكمال
عجبي !!!



للأمانة منقولة
تحياتى
SARA



_______








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://altahady.ahlamontada.com
أحلام قلب
واخدها تحدى
واخدها تحدى
avatar

عدد المساهمات : 261
تاريخ التسجيل : 08/05/2010
الموقع الموقع : http://altahady.ahlamontada.com

مُساهمةموضوع: رد: رباعيات صلاح جاهين   الخميس أكتوبر 28, 2010 6:20 am

عجبى
بصى يا سارة القصيدة دى عايزة قاعدة
لانها طويلة اوى ومش هينفع اقراها كلها
ادوخ فيها
بس تسلم ايدك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
SaRa
Admin
Admin
avatar

عدد المساهمات : 1844
تاريخ التسجيل : 04/08/2009
العمر : 32

الموقع الموقع : http://altahady.ahlamontada.com/

مُساهمةموضوع: رد: رباعيات صلاح جاهين   الجمعة أكتوبر 29, 2010 5:01 am

ههههههههههه
خلاص كل يوم اقرى جزأ
ههه
منورانى يا قمر



_______








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://altahady.ahlamontada.com
 
رباعيات صلاح جاهين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
..التحدى.. :: إتكلم براحتك :: القصائد والأشعار :: قصائد أشهر الشعراء-
انتقل الى: